「呢幾日好辛苦，條氣好喘，不過我都算叻，重捱得住，呢啲天時，十個病友有九個已經入咗醫院囉。」良叔邊吸着噴霧機邊對記者說。
年近六旬的良叔，原任職中港貨車司機，十年前患上肺氣腫，近年病情轉趨惡化，並有腎衰竭及嚴重貧血，須二十四小時借助氧氣機和噴霧機，才能維持正常呼吸，由於體力下降，他已辭去工作，靠綜援金生活。
雖然近日天氣顯著轉涼，但礙於經濟貧困，良叔無力添置禦寒物品，晚景淒涼。有見及此，蘋果基金特別從「送暖行動」專戶中撥款，購買了一張全新棉被及一些禦寒衣物給他，當中包括頸巾、冷帽、羊毛手套等，令良叔喜上眉梢。
「我真係好感動，有你哋咁關心我，我屋企張棉被原先已經用咗好多年，醫生話唔係好合衞生，一早叫我換，但冇錢冇辦法，今年好開心終於有新棉被用。」良叔感激地道謝。
此外，記者日前同時將讀者捐款合共三千五百元轉交良叔，他透露，將利用善款幫補其龐大的電費開支。「𠵱家二十四小時要開住兩部大機器幫我呼吸，淨係電費一期都要千幾蚊，加埋屋租、其他雜費，我份綜援根本就唔夠用，𠵱家有咗呢筆捐款幫輕吓，我就唔使咁頭痛，真係好多謝各位善長仁翁。」
蘋果基金設有「送暖行動」專戶，滙聚公眾捐款，購買禦寒物資贈送予好像良叔一樣的貧窮無依長者，請善長繼續慷慨捐輸。
「送暖行動」專戶捐款編號：C0670
良叔捐款編號：C0230
暖流熱線
電話:29908688
傳真:23702192
電郵:
網址：