香港樂迷久違多年嘅AirSupply，前晚再臨香江獻技，舉行「聖誕舊情綿綿」演唱會。會展三號廳高朋滿座，好多上咗年紀嘅忠實歌迷捧場，八方都有去。
當晚到場嘅AirSupply歌迷不乏名人，除咗房屋及規劃地政局局長孫明揚及其夫人，重有一位貴客，就係特首夫人董太。董太有名你叫，外號「A1」，梗係例牌坐前排，重帶埋保鑣護駕㖭。開場前，八方諗，使唔使帶埋保鑣咁誇張呀？不過，完場時先發覺，原來董太識得帶定保鑣，真係有先見之明。
話說演唱會就快進入高潮之際，發生咗一個小插曲。一群熱情嘅歌迷竟然一擁而上，想衝去台前同AirSupply握手。眼見坐喺前排嘅董太就快俾人潮踩扁，佢嘅保鑣見形勢不對，當機立斷將董太挾走。雖然保鑣身手敏捷值得一讚，不過，可惜董太就咁錯過演唱會嘅高潮。
傳真︰2623-9278
電郵︰