萬梓良（萬子）的母親萬梁觀帶本月初病逝，昨日萬子在寶福紀念館為亡母設靈，今日舉殯後，靈柩會運往深圳大鵬灣華僑永久墓園安葬，萬子和太太、三姊秋蓮及周星馳母親凌寶兒一早到場，原來星媽是萬老太的義妹。
昨日下午五時許，有九位尼姑到場誦經，萬子的太太懷有七個月身孕，在靈堂突然暈倒，幸好有萬子的姊姊扶着她。談到母親時，萬子更激動地流下淚說：「我將跟咗我十八年、去到邊拍戲都着住嘅棉衲畀佢墊喺壽板上路，我阿媽守生寡，一個女人湊大我哋幾個，佢得我一個仔，佢係一個非常堅強嘅媽咪，係英雄，我人生處事得一個偶像，就係我媽咪，我一定要搞得好好睇睇。」
周星馳於昨晚七時許到達，他上香後，與萬子傾了幾句，然後入內瞻仰遺容，星爺向記者說：「我以前成日上萬老太屋企食飯，佢煲啲湯最好飲。」
採訪、攝影：陳梅香