經濟不景，但對一啲闊佬嚟講，似乎冇乜受影響，噚晚喺會展舉行嘅第八屆香港國際馬匹拍賣會，第wd號馬匹成交價便高達四百八十萬，破咗上年「勁歡騰」四百五十萬嘅最高紀錄。
經濟發展及勞工局局長葉澍堃，原來兩個禮拜前已委託咗牙擦練馬師簡炳墀幫佢投番隻馬，結果食力簡幫葉澍堃用咗百二萬，投到一隻與前馬王「原居民」同父嘅第1號馬，葉局長本人則冇到場。食力簡後來同八方講，自己今季後便退休，原本對今年拍賣馬冇乜興趣，但見葉澍堃盛意拳拳，姑且幫佢揀馬。食力簡話葉局長畀佢嘅Budget大概係一百萬左右，同1號馬嘅成交價差唔多，「食力簡」並謂一早睇中咗呢匹1號馬，原因係貪佢血統好同埋台型靚。
傳真︰2623-9278
電郵︰