維也納珍品　港名人至愛
Adler古銅金珠鑲啡鑽絕配

百年國際知名珠寶店Adler以創製巧奪天工的鑽飾馳名，本月十八日Adler將於文華東方舉行美鑽珍品展銷，展出多達五百件珍貴首飾，當中珍品包括一條罕見的古銅金珠鑲啡鑽頸鏈，價值十二萬八千。

國際知名珠寶店Adler開業過百年，起源於維也納，二十年前登陸香港，本地的捧場客來頭不小，包括劉嘉玲、林青霞、何超瓊和利孝和夫人等。Adler珠寶以精巧獨特的設計及優質珍貴的美鑽見稱，首飾洋溢一份multi-culture風格，有傳統藝術品的完美動人，反映出品牌對美的執着與追求。

展出五百首飾
香港Adler店將於本月十八日在文華東方酒店TheChinneryBar舉行一連兩天的美鑽珍品私人展覽，今次展出多達五百件彩鑽、南洋珍珠、寶石等首飾，當中珍品包括一條罕見的古銅金色南洋珍珠鑲啡鑽頸鏈，價值達十二萬八千。

珠寶名師雲集
Adler香港代理商發言人PattiHo說：「Adler的designerteam有二十多位珠寶設計名師，好似LeonPopov咁，佢就係最早用黑鑽石做素材嘅珠寶設計師之一。今次嘅首飾展，我哋精選咗啲歐洲色彩比較濃厚同精緻華麗嘅首飾，同埋一啲香港少見嘅寶石首飾，好似今年好流行嘅綠松石鑽飾，而其中一條古銅金色嘅南洋珍珠，色澤非常罕見，要搜羅同一隻色嘅珍珠做首飾，已經花去唔少時間。」

東歐小公主愛鑽石皇冠
今次示範首飾的東歐模特兒Margit來自接近芬蘭的Estonia，她為圓模特兒夢想，花半年時間申請工作證到歐洲及亞洲工作。

見首飾動心
Margit表示受不了亞洲區炎熱的天氣，她說：「我嘅國家大部份時間都喺十五度以下，香港太熱。早排我去泰國做嘢，當地大約攝氏四十度，真係好難頂。」Margit又表示她也愛美鑽首飾，她說：「今次Adler嘅珠寶真係令我心動，不過對我嚟講就太珍貴。而我最希望擁有一個小小嘅鑽石皇冠，戴咗感覺好似小公主咁！」
採訪：DebbieLum
攝影：MatthewLam
化妝：StephanieLawofYMCKmake-upstudio
髮型：ManChiuofLeColorbyPrivateiSalon
服裝：Chloe
場地：ChinneryBar,MandarinOrientalHotel
示範：MargitOtsaofStarzPeople