嗜辣的Maggie，平日最愛吃勁辣泰國菜，今次推介這間墨西哥餐廳Caramba，皆因最愛吃這裏的墨式烤玉米餅烤雞餡皮卷：「我本身鍾意食辣嘢，墨西哥菜都係辣嘅菜式，而我就最鍾意食呢啲伴碟嘅墨西哥飯，非常香口，至於Nachos就好香脆，好惹味。」
雖然食店主打墨西哥菜，不過據經理Stanley話，他們的墨西哥菜帶有頗濃的美國色彩，原來和食店幾位老闆不無關係，Stanley：「我哋幾個老闆都係美國人，美國人最鍾意食嘅就係墨西哥菜，幾年前佢哋見到香港無好食嘅墨西哥菜，於是索性自己開一間。」
其實正宗墨西哥菜的特色，都是比較Heavy一點的高卡路里食物，滲進了美式風味的墨西哥菜，相對地「輕手」了，感覺比較健康。
招牌菜：墨西哥玉米薄脆至尊$63
全部用上正宗墨西哥材料：PortillaChips，夾着墨西哥辣椒、黑豆、豆茸、墨西哥芝士，一層鋪一層，最後於面頭再鋪SourCream、番茄粒、指天椒粒及綠色牛油果醬，雖說是頭盤，不過吃罷已經飽了一大半了。
Maggie：最醒胃
墨式烤玉米餅烤雞餡皮卷$121
Maggie最愛的菜式，是正宗原汁原味的墨西哥菜，當地每家每戶都會弄來吃的菜式。用上墨西哥薄餅為主料，配合紅番茄茸、黑豆等等，加上伴碟的墨西哥飯，感覺異常香口。
食客品評：
區小姐（左）：我第一次嚟呢度食嘢，聽到朋友介紹就嚟試吓，我覺得呢度嘅環境同氣氛都好好，呢個墨西哥拼盤都唔錯。
Ring（右）：都係第一次嚟食嘢，聽同事推介咪嚟試囉！
食店：Caramba
地址：中環伊利近街26-30號
電話：25309963
營業時間：星期日至四中午12時至晚上12時
星期五及六中午12時至凌晨2時
為介紹Soho這份專輯，連日在這區由朝到晚的行行重行行，到下午時分的Soho，不少做午市的食肆已經休息，想找間清靜的食店享受一個HighTea，又不想到大路的Starbucks，於是走到同一條街的另一端的SohoBakery。置身其中，令人感覺到陣陣歐陸風味的悠閒氣息。店子最耍家的是紐約及藍草莓芝士蛋糕，一口啖着，令我重拾在三藩市CheesecakeFactory吃過的紐約芝士蛋糕的感覺，原來餅廚Arno來自前富麗華酒店，難怪別具水準。另外深受各界歡迎的食品就是自製Bagel（美式圈餅），Bagel款式甚多，一共有9款選擇，另可配不同的CreamCheese和餡料，很有美國的地道色彩。
名模捧場
（前）EverythingBagel+PlainCreamCheese&SliceSalmon$30.5
三文魚片是最受歡迎的Bagel餡料，配上不太肥的PlainCreamCheese，很受一眾女模歡迎。
（後）WholewheatBagel+Olive&SundriedTomato$19
另一款受歡迎的配搭，全麥Bagel夠健康，另加SundriedTomato，味道清新。
蒲file：Fion
蒲歷：2-3年，1星期會去1次Soho，Update最新的Shopping、食資訊，最愛到小店瀏覽最新的型人家具及時裝。
最愛菜式：各式甜品，芝士蛋糕是心頭愛。
推介食肆：SohoBakery
食店：SohoBakery
地址：中環伊利近街41號地下B1店
電話：28107111
營業時間：星期一至日上午8時至晚上9時
Soho一帶有特色的小館子，主打賣法國海鮮的Belonoooo也不例外，內裏裝修簡潔，雖然不是甚麼豪氣或特色裝潢，不過就勝在夠抵食，不久前就推出了$198任叫任食海鮮盤、湯、沙律、主菜和甜品，負責人Jovan見近排天氣有點凍，就在這個任叫任食的系列內，加推了瑞士芝士火鍋，食完成身暖笠笠。Jovan話海鮮每星期都會由美國和法國空運抵港，個人認為凍蟹是必吃的海鮮，蟹肉鮮味多汁，蟹膏從蟹旁溢出，非常新鮮甜美，不過來自美國的生蠔則屬Creamy一類，還是喜歡瘦瘦的法國生蠔多一點。
食客品評：
右：Una：第一次嚟呢度食，覺得呢度嘅服務幾好，我話唔係好食生嘢，就即刻同我整熟晒。
左：Mary：我覺得啲食物唔錯，海鮮好新鮮。
蒲file：BearBear
蒲歷：都係間唔中嚟吓！一個月總有一、兩日！
最喜愛餐廳：Belonoooo
最喜愛食物：勁鍾意食海鮮，呢度有$198任叫任食，每月出糧必嚟「蠔」吓；呢度啲蠔真係又新鮮又大隻。
享受Soho區賣點：貪呢度多好嘢食囉！其實呢度啲嘢價錢會貴出面少少，但食品質素就高好多！
食店：Belonoooo
地址：中環士丹頓街50號地下
電話：28992835
營業時間：12:00noon-3:00pm 6:00pm-12:00pm
好多人話伊利近街係聯合國，嗰邊食完俄羅斯菜，對面又有間藍白屋仔嘅地中海餐廳——ATHENA；呢度希臘菜最出名！入到裏面有好多希臘神話人物牆畫，加上全餐廳使用暖色調燈光，用膳時恍如置身地中海一樣！價錢則$198任叫任食，高格調加普通Buffet價錢，絕對係大胃王Soho區搵食首選！
土耳其菠菜三角批拼希臘番茄杯
好難估到菠菜同Feta芝士嘅味道可以咁夾，配埋酥化餡皮，食落同酥板叉燒包有異曲同工之妙；番茄杯係傳統地中海食法，番茄內有少少中東米同雜菜，食落好惹味。
蒲file：Roni
蒲歷：周六、日常客
最喜愛餐廳：ATHENA
最喜愛食物：逢芝士類食品都鍾意食，呢度有隻土耳其菠菜三角批，十幾層酥皮夾菠菜加芝士，鹹鹹哋唔油膩，重正過得酥皮蛋撻！
享受Soho區賣點：享受嗰種歐陸情調，每次嚟都好似去咗外國Soho區。
食店：ATHENA
地址：中環伊利近街37號地下
電話：25218963
營業時間：12:00noon-3:00pm
6:00pm-12:00pm