關心妍近期走勢凌厲，與英皇3T成員之一的鄭希怡（Yumiko），可算是爭奪女新人王獎的大熱人選。
日前關心妍在電話中笑稱身邊好友正開盤，以一餐飯輸賭她會否獲獎。
關心妍說：「我身邊啲朋友個個都開盤，話賭一餐飯喎，佢哋重成日攞呢樣嘢嚟講㖭。其實我都有啲壓力㗎，我只係希望一分耕耘一分收穫，最後成績係點就睇彩數啦。」
關心妍表示較看好Yumiko及台灣歌手許哲珮。她為了尊重即將舉行的各大頒獎禮，特別聘請形象設計師為她特別設計四套戰衣。
關心妍說：「希望搵專人設計嗰幾套衫可以趕得切完成，到時出席各大頒獎禮，以不同形象示人，可以畀到驚喜大家。」
採訪：朱芷瑩
攝影：黃文成