「近排個病發得愈來愈犀利，尤其尾龍骨更加痛到不得了，行步路都扯住扯住，啱啱先出院冇幾耐，𠵱家要用柺杖㖭。」罹患紅斑狼瘡症的四十五歲病婦阿珍說。
十二年前，阿珍患上紅斑狼瘡症，自此惡疾如影隨形，無時無刻不在折磨她；無奈其丈夫竟因此嫌棄她，帶着三名兒子離她而去，令她頓覺生無可戀，曾多次自殺不遂。
這些年來，一直想自食其力的阿珍稍待病情穩定，便會棄領綜援金，做回侍應「老本行」賺取微薄薪金，替她爭回尊嚴，可是每投入工作，便是阿珍噩夢的開始。
「我一返工平日就冇得休息，搞到冇得去覆診，冇藥食個病就發作，早排就係因為對手關節痛，打爛啲碗碟，俾老闆炒咗。」阿珍苦笑着說，醫生曾經嚴厲警告她，若再不定時覆診服藥，造成惡性循環，後果不堪設想。
阿珍思前想後，惟有決定暫時不再工作，專心養病，現正申請綜援金，有待審批。
另外，阿珍繼月前獲蘋果日報慈善基金善長捐助後，近日再獲第二批善款合共三千九百元，她頻呼這筆善款來得及時。「我𠵱家暫時住喺慈善機構嘅婦女宿舍，但係唔可以畀我住得耐，我呢幾日搵到一間房仔，都要千幾蚊租，好彩有讀者捐款，解決咗我租金同按金嘅問題。」阿珍說。
捐款編號：C0454
暖流熱線
電話：29908688
傳真：23702192
電郵：
網址：