唔講唔知，現年只有38歲、已婚，並已育有一名四歲女兒兼過着幸福生活嘅AnthonyLo（右圖），會係現任瑞典紳寶車廠嘅首席ChiefDesigner。旗下擁有達百名不同國籍設計師共事嘅佢，原來係生於斯長於斯地道嘅香港人；佢於1985年畢業於香港理工大學產品設計系，隨後舉家移居美國，並曾任職德國平治駐日本AdvanceStudio設計師達七年。至今佢最記憶猶新，會係佢哋嘅DesignTeam，為現行平治E-Class及快將面世嘅Maybach，奠定咗唔少設計藍本嘅筆迹呢！
然而，Anthony近年轉投瑞典紳寶車廠，佢認為汽車設計嘅思維同空間較前更廣闊及自由，繼早前推出過嘅9-3X概念車（可望2004年投產後），Anthony旗下嘅DesignTeam現正籌劃下一代紳寶9-5車系，佢期望會給車迷有全新嘅體驗呢！
筆者響晚宴上跟Anthony近距離接觸，感覺唔到佢身處高位嘅輕浮態度，或許跟佢日常汽車產品設計，每令佢興奮莫明、幾乎完美嘅製作，惟跟車廠管理層開會研究生產嘅可行性時，十件製品卻未必有一件獲得認同，能夠承受呢份挫敗感，再重拾工作嘅態度，不知能否跟現今士氣低落嘅港人共勉之呢？Anthony話嚟緊聖誕節佢會同家人返港度假，或許大家會相遇都唔定㗎！