在古巴革命英雄切古華拉的畫像下進餐，感覺別有一番豪情，Mandy最喜歡這裏像極一些舊電影的片段：「呢度好似嗰啲戰爭片，軍人飲酒娛樂嘅地方咁。」
事實上食店的英國籍老闆JeanPaul也的確在古巴生活過一段時間，對當地的生活文化有着深刻的體會，為了粉飾店內的古巴風情，不惜從當地把掛畫這些別具特色的物件帶回港，而店內所賣的食物，全部都由他從古巴學回來，然後再加以改良。不要以為就此別無搞作，晚飯時間興之所至，還可以隨着現場音樂唱歌跳舞，邊食邊跳，乘機消化豬腩肉。
位處沿海的古巴，經常可以食到靚海鮮，還要即捕即食，的確引死人。這道沙甸魚放在扒爐上燒，最能保持到原汁原味，由於燒時落少許橄欖油，所以食落非常香口。
龍蝦開邊後即撒上蒜茸再煎，再加入冧酒煎至金黃色才焗，加上其他的香料，Mandy邊食邊不停嘴講：「真係好食、好香、好惹味！」
食客品評
Tom：好少聽到香港有古巴菜食，覺得幾特別，所以想嚟試吓！
在Soho一帶成日要行斜路，最好就到這裏歇一歇，和朋友吹吹水，唞唞氣。全店皆為落地大玻璃，景觀十分開揚，難怪HappyHour特別多人，叫一杯特飲，加一客小食，所以悶氣都一掃而空。
蒲file：高妹
蒲歷：每日放工後，都會上嚟逛逛，一星期點都有三幾次。
最喜愛餐廳：elements
最喜愛食物：冇特別喜好，如果真係要講，總之有酒精類飲品都啱啦！
享受Soho區賣點：呢度好多Bar都以開放式設計，一杯酒在手，望住街上啲人行嚟行去，成日嘅壓力都好似冇晒！
名人食客
方中信：有時會去飲咖啡，我覺得呢度好閒適，好有風味，令到我好舒服，比起蘭桂坊靜好多，舒服啲。
食店：elements
地址：中環伊利近街55號地下
電話：81050155
營業時間：早上11時至晚上11時
食正統俄羅斯菜，識食之輩一定指你去三套車，這裏上至大廚及食品，下至餐館內的掛畫及小擺設，全都是地道的俄羅斯出品；最近更請來俄羅斯音樂學院Alla教授，作LiveBand豎琴演奏，如此強勁陣容，簡直有如將俄羅斯一間餐廳搬嚟香港開一樣。這裏除逐味菜叫外，還有Tasr'sSetDinner，$350全包頭盤、湯、主菜及茶啡。
魚子醬係俄國名菜，今次豪氣地讓你一次品嘗鱘龍魚及三文魚子醬，據知魚子醬的成本已佔了全道菜的三分一；這樣細粒的鱘龍魚子醬是絕高的上等貨色。食法則擺脫一般配餅乾的單調食法，魚子醬放入切花的蛋白殼，配以烤麵包拌食，味道唔會喧賓奪主，在傳統食法中又加入變化。
蒲file：Ann
蒲歷：中環由細住到大，久不久都會落嚟食飯買嘢。
最喜愛餐廳：有一次食過嗰間俄羅斯菜三套車，嗰度全俄羅斯情調真係又貴氣又好Feel，食物味道比較濃，有啲人可能未必咁啱食。
食店：三套車(TROIKA)
地址：中環伊利近街26-30號地下
電話：28017839
營業時間：12:00noon-2:30pm6:00pm-11:00pm(星期一至日)
店內除了懷舊裝潢吸引之外，其菜式亦十分精緻，由於師傅都是正宗地道東北人，所以口味並沒有由此而遷就本地人而變得港式，難得的是味道亦恰到好處，難怪可以吸引型男木村拓哉和陳豪光顧。
蒲file：陳豪
蒲歷：間唔中蒲吓
最喜愛餐廳：滿漢居
最喜愛食物：最鍾意食中國菜，例如滿漢居嘅餃子就做得好精緻，食物賣相好已經令人食指大動，加上味道夠清，食得夠健康。
享受Soho區賣點：相對隔籬嘅蘭桂坊，Soho區的確係一個難得又清靜又多嘢食嘅地方；間唔中都會蒲這裏的酒吧！人唔會太迫，一杯Drink，對住開揚嘅街景，係難得令人有Relax感覺嘅地方。
食店：滿漢居
地址：中環伊利近街33號地下
電話：25369218
營業時間：星期一至日中午12時至下午2時30分 晚上6時至11時