陳豪除了演技出色原來亦善於繪畫，當中一批從未曝光的作品，更甚有水準。陳豪表示以前一有空便去寫生，至於會否透過繪畫而結識異性，陳豪則表現神秘。
模特兒出身的陳豪近期人氣急升，他除了有一身肌肉和精湛演技，原來亦有文靜的一面。陳豪自幼很喜歡畫畫，更有一批出色的作品。
陳豪小時候已愛塗鴉，長大後畫功受漫畫《龍虎門》影響，他前日說：「我最鍾意睇住啲漫畫照辦煮碗畫，細個時我自己有一本畫簿，我親自創作咗一本好似《龍虎門》嘅漫畫，但後來俾家人掉咗。」
芸芸作品之中，陳豪最愛一幅對鏡完成的自畫像，他說：「我好喜歡素描，好考技術㗎，都諗過修讀美術，但怕呢行搵唔到錢就改讀第二科。」陳豪在澳洲讀中學時，美術科成績經常是全班之冠。
問陳豪會否以找尋繪畫模特兒之名，相約女孩子，他故作神秘說：「呢啲係秘密，唔講得。」不過陳豪繼而笑不攏嘴，看來這都是他的「𠝹女」招數之一吧。
對於會否把作品展出，陳豪謙虛地說：「唔識畫畫嘅就以為我好叻，其實我嘅技巧都好幼嫩，有待改進。」陳豪就是希望可以開一間咖啡店，他說：「店中可以掛我嘅作品同手工藝，客人鍾意都可以買走，我朝住呢個目標進發。」
採訪：比華利
攝影：何國豪