兩位仙股事件主角─財經事務及庫務局局長馬時亨與港交所行政總裁鄺其志，都係去南京，但兩人始終緣慳一面，睇嚟兩人都係冇乜緣份。
鄺總裁噚日話，佢個行政總裁職位就快出招聘廣告，董事會成立嘅遴選委員會主席係李業廣，港交所已搵咗獵頭公司物色合適人選。八方其後收到風，原來港交所已委任RussellReynolds負責搵人；廣告今日喺《南華早報》、《信報》及《經濟日報》開始刊登。
對於肥仔馬前日盛讚的前聯交所行政總裁周文耀，無論八方點問，鄺總裁都唔肯評論周氏係咪合適人選。八方最想知係鄺總裁現時七百幾萬年薪，但港交所之前話新入職員工薪酬會較現時標準低一成半，唔知適唔適用於鄺總裁繼任人身上呢？
傳真︰2623-9278
電郵︰