我Apple姐後生時都好鍾意揸快車，講開揸車，我最怕出入多層停車場，陰陰沉沉咁，搭𨋢攞車時如果突然有人殺出嚟，都咪話唔驚，所以我近年放棄自己揸車，叫司機接送重安全。 泊爛地場 嗱，早排我經過銅鑼灣白沙道一個爛地停車場時，就見到好多人排隊攞車，其中一pair人就係九廣鐵路主席田北辰同佢老婆㖭。堂堂九鐵主席架車都泊喺啲咁草根嘅停車場，唔知田北辰係貪方便，定係好似我咁，嫌多層嘅停車場治安唔好呢？