今個聖誕節除了有來自美國的全球最大型流動機動遊戲「環球嘉年華」外，本港11個商場也把首次出國的「樂天世界」搬來，不用到韓國都能和主角樂天、樂兒玩個夠；而東涌東薈城亦邀得榮獲奧斯卡最佳服裝設計及最佳美術指導的《情陷紅磨坊》部份幕後班底，把商場設計成魔幻王國，有嘢玩又有嘢睇！
記者：李玉蘭
攝影：陳陶鈞
部份相片由被訪者提供
ImageGirl：Ruby、Truman、Kathy、IvanFromImagineLtd.
今個聖誕，即使你身在香港，都可以感受韓國熱門主題公園「樂天世界」的好玩氣氛，因為樂天世界的主角樂天、樂兒跟30多名成員首次出國，來到香港11個商場巡迴演出。
巡遊最熱鬧，最能提升歡樂氣氛，今次隊伍分別穿上各國不同服飾，以森巴狂熱、加勒比風情、大和傳說、大韓鼓舞和西部豪情五個主題出動，圍着觀眾團團轉，而巡遊隊伍在黑夜表演時，更會穿上一身閃亮燈泡，令你感受無比熱情的異國氣氛，但小心睇到眼花花！
講明以國際性做主題，當然有各國表演，由面具舞、韓國傳統四物表演、扇舞、魔術表演等，節目一籮籮；還有明星張文慈、姚瑩瑩、張慧儀等當模特兒，聯同美女穿上巴西、美國傳統等服裝，令大家可一次過睇晒各國傳統服飾的靚女！重想睇多啲？梅艷芳、張栢芝、容祖兒、Twins都會不時出現同大家見見面，想同他們SayHi，記住查清時間表！
樂天外表是隻大頭棕熊，但當他走上舞台，卻化身成羅賓漢，施展犀利功夫，追尋正義之石，從邪惡魔王手上，打救樂兒公主……一聽就知最啱充滿愛心、喜歡童話的大人細路欣賞啦！這個故事於韓國演出多時，但今次會特別為香港觀眾配上廣東話，這還是頭一趟呢！
大大隻毛公仔人見人愛，不但細路鍾意跟樂天樂兒拉拉手，連趕着過路的婆婆都忍唔住摸摸可愛大頭！若果你想同呢兩隻大頭棕熊影相、握手、擁抱、咀咀，記住自備相機！
面對得意可愛精品，難免有點購物嘅衝動！行多兩步啦，喺賣物攤位裏面，有專誠由韓國運來的樂天世界精品、家品、玩具、文具！雖然價錢不算便宜，一個棕熊布偶賣$110，但當模特兒Ruby發現布偶識發聲，大叫有驚喜！加上是為保良局義賣籌款，憑住做善事的心去瘋狂購物，買都買得開心啲！
聖誕狂歡動感繽FunShow
日期：12月14日至1月1日
地點：將軍澳新都城中心、上水中心、粉嶺中心、粉嶺花都廣場、沙田中心、沙田廣場、屯門時代廣場、元朗千色廣場、荃灣城市中心、荃灣灣景廣場
查詢：27500031
小貼士：各個場地的節目時間表有別，以將軍澳新都城中心最多演出！