張燊悅早前因受香港演員配額影響而被飛出電影《老鼠愛上貓》，但她因此獲意外假期，日前她便趁空前往銅鑼灣一間板仔店，選購近三千元聖誕禮物，包括兩件各值約五百元的男裝T恤，未知會否送給男友雷頌德（Mark）？
張燊悅（Nicola）本應接下賀歲片《老鼠愛上貓》，她早前更北上準備開工，卻臨時因參演的香港演員超過內地限額而慘被飛起，雖然Nicola表示一度不開心，但她亦因此獲得意外假期，日前她便趁放假，往位於銅鑼灣的時裝店MediumRare，選購聖誕禮物給親友。
當日Nicola在店內經過一輪細心挑選，揀了日本Swagger的三個球類擺設，同牌子的一頂鴨屎綠帽子，又買下一個AG背囊及Lomo女裝T恤連儍瓜機的禮盒，另外還買下兩件分別價值五百四十元及四百八十元的日本Balance男裝T恤，埋單合共約三千元。
問Nicola有否購禮自用時，她笑說：「有呀，我諗住個背囊同頂帽留番自己用，其他就買嚟送畀朋友。」她揀了兩件男裝T恤，其中一件是印上相撲手的抵死圖案，未知是否送給男友雷頌德？Nicola聞言即哈哈笑說：「梗係唔話你知啦，全世界都知我買乜，咁咪冇驚喜？」
Nicola表示其購禮行動仍未完畢，她說：「舊年我因為冇時間，買得太急，送畀朋友嘅聖誕禮物未必咁啱用，今次就塞翁失馬，反正多咗假期，所以我會慢慢揀，希望買到嘅嘢，啲朋友會用得着。」
採訪：朱芷瑩 攝影：陳烱威