財經事務及庫務局局長馬時亨噚日坐經濟客位飛往南京推廣香港。佢同記者傾起，今次係第一次去南京，感覺好新鮮。有內地行家問佢自從歐亞農業做假帳事件後，民企來港上市是否有困難，佢話其實只要公司帳目同管理冇問題，一啲困難都冇，重話如有困難，可以打電話畀佢。
八方就關心財赤多啲，肥仔馬話正研究緊節省政府開支嘅方法，大原則係唔影響對市民嘅基本服務，但會考慮外判一啲服務，例如為豬隻打種及運輸署發車牌等。佢亦委託投資銀行研究部份政府服務或資產私營化的問題。有行家問佢自從仙股事件後，民望在高官中排名最低，有冇後悔加入政府？佢話絕無後悔，重話想知多啲就聽實本周港台嘅《香港家書》。
傳真︰2623-9278
電郵︰