九人女子組合Cookies出道以來，一直被指模仿Twins的成名方程式。日前Cookies為新灌錄的聖誕串燒歌拍攝MV，趁普天同慶出碟賺一筆，搶錢模式與Twins早前推出的農曆新年串燒歌《孖寶668》有異曲同工之妙，莫非又係咁啱得咁蹺？
九人女子組合Cookies自出道以來，無論是唱校園歌、着泳衣、打觔斗或出寫真等，均被指模仿Twins的上位模式。近日Cookies再接再厲，推出聖誕串燒歌，與Twins今年初推出賀年串燒歌《孖寶668》亦有異曲同工之妙。
日前Cookies於荃灣愉景新城內，為聖誕串燒新歌《曲奇聖誕歌》拍攝MV，成員Kary因忙於應付考試缺席。
問到Cookies是否覺得唱串燒聖誕歌與Twins的串燒賀年歌概念甚為相似時，隊長Stephy與Theresa異口同聲答：「唔覺呀，我哋首歌嘅頭一part係創作嘅，後面至係啲大家識嘅聖誕歌，首歌重有三分鐘同六分鐘兩個唔同版本㖭！」
當日Cookies先穿上制服拍攝，其後再各自換上私伙衫上陣，Stephy及Theresa均表示未有特意購買新衫。Theresa說：「我喺屋企求其揀件衫咋，𠵱家就係興九唔搭八着上身至靚。」
而早前被揭曾在雜誌訪問中自爆十六歲失身的「是非精」Angela，拍攝當日則顯得烏眉瞌睡，其他成員亦甚少與她聊天，Angela說：「我哋噚晚好夜先收工，今朝五點幾就開工，唔夠瞓。」
採訪：朱芷瑩
攝影：陳偉權