八方講過唔少上市公司嘅股東會，但噚日出席嘅新世界系股東會都算對小股東不薄，但也可說令股東失望。點解？噚日股東會喺早上十時已開始，而系內三間公司股東每隔一小時舉行一個會，要完成所有股東會就要成兩個幾鐘。可能係擔心股東要空着肚子等，當第二個股東會舉行後，新世界特別派員送來一碟一碟嘅食物，每個股東都可安坐位中享用早點。
有傳媒問出席嘅新世界董事總經理純官鄭家純，如何比較新世界同超人李嘉誠嘅長江實業，事關兩家公司上市至今剛好三十周年，但長實無論在發展以至股價都跟新世界有天淵之別，有乜辦法拉緊距離呢？純官回應：「咪已經做緊重組囉，已經盡力做啦。」股價搞成咁，因此也可以說令股東失望。
（圖）新世界一碟碟餐捧給股東食，都算周到。
傳真︰2623-9278
電郵︰