冬天食煲仔飯固然普遍，想自己動手做，不妨花多點心思，唔使次次都係鳳爪排骨或北菇滑雞，好似呢個以上海鹹肉做的煲仔菜飯，除咗配搭有新鮮感外，更正係將鹹肉跟飯爆炒過才放煲仔焗，令啖啖飯都充滿鹹肉香味。此外，由於先用少量油燒熱個煲仔才下飯料，便可控制煲飯起焦的程度，實在好正斗！
記者：謝翠玲
攝影：陳盛臣
示範：煤氣烹飪中心導師黃婉瑩
課程查詢電話：25761535
鹹肉 4両
小棠菜 2両
白飯 3杯
雞湯 3湯匙
鹽 1/2茶匙
1 把鹹肉的肥膏部份切下，原塊拖水。先切8塊薄鹹肉片，其餘的鹹肉切粒。小棠菜洗淨切碎。
2 加入2湯匙油至鑊中，把鹹肉爆香，加入菜粒同炒。最後加入白飯，注入雞湯和鹽作調味，拌勻。
3 將1湯匙油加入瓦煲中，讓油平均沾在煲底和煲邊，燒熱。把炒過的鹹肉菜飯移入煲中。把鹹肉片排在飯面。蓋上煲蓋，以小火再煮5至8分鐘即成。