羅霖和陳美琪昨日往金鐘西武為護膚品牌Z.Bigatti的專櫃開幕，擔任剪綵嘉賓。穿上Cacharel露背上衣及短裙出現的羅霖表示，近來精神不太好，因為她每晚勤織冷頸巾。
羅霖說：「我𠵱家晚晚趕工幫朋友織頸巾，因為佢哋知我織得快，所以叫我幫手織嚟做聖誕禮物。我晚晚織到半夜三點都未瞓，搞到喉嚨痛，唔係幾舒服囉。」
問羅霖勤為朋友織頸巾，為何不預老公劉坤銘？羅霖說：「佢想考我，要我織件茄士咩冷衫，我就同佢講，呢樣咁大工程，要有耐性等等先。」
另外，陳美琪自嘲落伍，她說：「我早排拎個用咗三年嘅Nokia手提電話去tradein，點知對方話只值一百二十蚊，搞到我幾瘀呀，直情係侮辱我嘅尊嚴呀。」