增值有時不限於工作效率，如果識用神奇嘅字眼包裝，一個原本平平無奇嘅概念，都可以增值十倍，成為了不起嘅新事物。好似噚日八方去到郵政總局，聽講話會有一個「洋酒物流專遞服務」，非常好奇：家陣乜都物流一番，酒又點物流法呢？
原來所指係香港郵政同澳洲郵政，及西澳洲六大知名家族酒廠合作，香港顧客只要以郵購或到香港郵政網上商店選購，就可以得到一條龍服務，幾日後可收到美酒，稅款、運費一次搞掂。
雖然服務係唔錯，不過個名其實叫「洋酒專遞服務」更易明，文字簡單就是美，夾硬塞啲趕潮流嘅字眼，好似之前科網泡沫爆破，家陣大家睇見啲「.com」就眼冤，幾無謂呢？
（圖）郵政署長陸炳泉（左二）同澳洲郵政高層歐文（中），及澳洲商務署專員韋斯（右二），舉杯享用西澳洲美酒。
傳真︰2623-9278
電郵︰