先被勒索再遇「詐彈」
GiGi驚青台上度日如年

梁詠琪（GiGi）早前遭內地男子勒索，日前在港演出時又遇到虛報炸彈。GiGi昨日在三名工作人員陪同下，出席無綫戶外節目錄影，她表示當日一早已從監製口中得知「詐彈」事件，而她上台後感到很有壓力，她說：「真係有啲驚，過嗰幾分鐘好似過咗幾年咁。」

梁詠琪、九人女子組合Cookies和港姐林敏俐等，昨日在黃大仙為無綫節目《騰龍展現新天地》進行戶外錄影。GiGi早前遭自稱是廣州歌迷的男子，以電話和傳真恐嚇勒索六萬元，聲言如不合作，GiGi到內地工作要小心。
而本周日GiGi演出無綫節目《禁毒滅罪耀北區》時，無綫收到匿名電話恐嚇，報稱現場放有炸彈，警方接報到場後始發現是虛驚一場。

「真係有啲驚」
GiGi近期接二連三受到不利事件困擾，但卻沒有影響她的工作，不過昨日她錄影《騰龍展現新天地》時，有兩男一女的助手貼身護駕。對於演出《禁毒滅罪耀北區》時發生「詐彈」驚魂，GiGi說：「其實當晚出場前監製都有同我講過呢件事，佢話通知咗警方，叫我唔使擔心，可以放心上台表演。不過我上到台都有心理壓力，真係有啲驚，過嗰幾分鐘好似過咗幾年咁。」

「相信冇關連」
問GiGi勒索案和虛報炸彈是否有關連？她說：「我相信兩件事冇關連，一件係內地男子想喺金錢上得到利益，另一件係惡作劇，但交咗畀警方處理我好安心。」
而GiGi設計的T恤，原本在昨日義賣，但因現場太混亂，大會臨時取消了此環節。無綫製作部助理總監何麗全說：「呢次冇接到乜嘢電話，不過我哋每次都加強保安。」
採訪：王崇穎　攝影：甄朝健