譚詠麟（阿倫）與李克勤昨日在新城娛樂台接受節目《娛樂一早》訪問，阿倫以新髮型示人，並表示專程來為克勤於年底的多個音樂頒獎禮拉票。
阿倫希望克勤可以奪得大獎，他說：「克勤今年嘅成績真係由頭帶到尾，我早排喺馬來西亞打高爾夫球得到獎，今日專登將啲旺氣帶嚟過畀克勤，我今日係『挺勤大行動』。」問到阿倫會否睇好陳奕迅（Eason），他說：「大家𠵱家鬥緊入直路，但Eason最好嘅歌係《明年今日》，而克勤就好多好歌。」
此外，克勤昨日亦到港台出席劇集《執法群英》的錄音活動，該劇主題曲《警察故事》曾由成龍主唱，問克勤會否覺有取代成龍之嫌，他說：「唔可以話邊個優勝，大家各有風格。」對於有消息指因「IFPI香港唱片銷量大獎」中的「全年最高銷量本地男歌手獎」克勤勝算甚高，故此引起英皇唱片公司不滿，克勤說：「𠵱家邊個攞都未知，我唔信英皇會杯葛。」