數字有時好枯燥，但有時又好有趣。講到搭飛機嘅安全呢個課題，「國泰航空學院」講者、國泰品質保證經理許景槐就引述美國一堆有趣數字，不妨同大家分享一下。根據美國統計，一個人每日搭飛機一次，要搭夠一萬九千年，先遇上一次航機意外。佢又話，飛機可以冇咗一個引擎仍然繼續飛行、又可以抵擋雷擊，飛機引擎一塊葉斷咗，引擎嘅外罩都可以頂住衝力，阻止斷葉撞向機身。一環扣一環，絕不馬虎，兼且大有學問㖭！
咁另外，八方收到最新一期《國泰天地》，睇到張好得意嘅照片，大家不妨用吓眼力，睇吓認唔認得係邊個？
（圖）陳南祿喺國泰城玩夾Band。 《國泰天地》圖片
傳真︰2623-9278
電郵︰