現在要找一間可以望到維港景色的餐廳不難，因為統統都要付出沉重的代價，但採訪過剛開幕的StageCafe，有齊維港夜景同柔柔海風輕送，埋單時絕不會令你心臟病發，因為浪漫一晚亦不過百零蚊。
記者：陳冰麗 攝影：周旭文
ImageGirl：MichelleChoi（Imagine）
逢星期一至五刊出
第一步踏進StageCafe，眼前不是密麻麻的餐枱，反而只得廖廖數張，與其他的餐廳截然不同，感覺出奇地開揚、舒服。環顧四周，白色的牆上沒有掛畫，甚至乎裝飾，換來的只有幾幅印畫食譜，簡約的裝修正合我心意，統一以深啡及橙為主色，整間餐廳活像是一件藝術品。
「因為太太熱愛藝術，鍾意畫畫，所以就將呢啲意念融入餐廳內。」
老闆ThomasKwok解釋。每張枱之間的距離十分闊落，原來亦是Thomas的意思，由於香港人平時工作壓力已經很大，所以他希望可以令食客坐得舒服，減少壓迫感。不過最吸引我還是那室外開揚的的景觀，面對180度維港景，日頭有露天茶座Feel，入夜則有五光十色、迷人夜景觀賞，勁浪漫！
慢說裝修，其實食物才是最重要。在此用餐，可以話集視覺及味覺上雙重享受，皆因這裏的菜式好Colorful，賣相又精緻。負責設計菜式的大廚叫Kelvin，原來他年齡只有二十六歲，年紀雖輕，但入行已超過十年，既有創意，又肯大膽嘗試新配搭，當中我試過嘅南瓜子焗三文魚柳伴紅花汁就是其中一個例子，以南瓜子取替麵包糠，伴汁更是即製的PanSauce，顏色吸引之外還很香口，Thomas續稱。
「請Kelvin呢位咁後生嘅廚師，除咗因為佢有創意之外，另一個主要原因係佢好有幹勁同活力，正正係我想走嘅餐廳路線，希望佢做出嘅食物口味可以吸引到年輕一輩。」
事實上，入到StageCafe放眼盡是年輕侍應，身在其中都好似同聲同氣啲！
地址：尖沙嘴海運大廈LCX第二層290號舖
電話：23752183
營業時間：11:00am-11:00pm
座位：約80個
付款方法：現金或信用卡