謝瑞麟珠寶將於下周在銅鑼灣開設全新專門店，店內備有多套精選鑽飾，包括一條重四十三卡、價值逾五十萬的藍星藍寶石頸鏈，而梁漢文女友、模特兒林文慧（Karen）示範後，表示飾物中她特別鍾愛大耳環。
謝瑞麟珠寶下周在銅鑼灣開設的全新專門店，裝潢採用高貴的啞金色，配合柔和的紫色及歐洲風格的深色木料，營造獨特又舒適的購物空間，還有多套精選鑽飾鎮店，現由梁漢文女友、模特兒林文慧示範。
多套精選鑽飾中，有重達四十三卡、價值五十多萬元的藍星藍寶石頸鏈，而一系列以粉紅、藍、綠、黃等不同sapphire鑲嵌而成的首飾，散發七彩光芒，盡顯節日繽紛氣息，其中Karen對一枚重十三卡、值近六十萬的方形藍寶石戒指甚為心動。
Karen說：「設計好simple，顏色又好靚，幾大粒，襯晚裝夠隆重，配牛仔褲、去party又夠正，幾百搭。而且我手指幼，戴呢隻size唔會太誇張。」
問Karen可想要一枚作結婚戒指？她搖搖頭說：「我冇乜所謂，我個人好易𠱁，唔使話要啲浪漫心形鑽戒先會感動。一隻簡簡單單、單鑽嘅白金戒指我已經好滿足，而且好多朋友話鑽石係luckystone，會帶來好運。」
提到平日選戴的飾物，Karen表示較欣賞傳統的鑽飾之餘，亦愛戴大耳環，她說：「我面細加上長頭髮，覺得戴大耳環效果幾好。我貪玩試過半寶石、羽毛、珠仔嗰類大耳環，都好好玩，不過愈買愈大，早排試過戴一個巨型十字架，但戴完後覺得大過頭唔敢再戴出街。」
採訪：DebbieLum 攝影：ChanChiLam
化妝：NARS 場地：中環謝瑞麟