梅艷芳與許志安前晚一同拍攝新歌的MV，阿梅以性感露背裝真空上陣，甚有睇頭，她還大談「女人之苦」，阿梅表示生仔、月事及買不到心愛的Gucci及Prada貨品都相當痛苦，而安仔則為自己起了新花名「超激安」。
梅艷芳與徒弟許志安，前晚於西貢拍攝新歌《女人之苦》及《先謊夜談》的MV，安仔與阿梅分別穿上數萬元的服裝上陣，而阿梅的大露背真空裝更搶盡風頭，相反穿上背心加大褸的安仔則相當錫身，不願除去外套露胸肌。
雖然前晚氣溫頗低，但阿梅依然打扮性感，問她怕不怕走光，阿梅笑說：「打韆鞦都重得呀，不如嚟個雙臂大迴環呀！」除了這件露背裝外，阿梅亦帶備一套價值三萬元的Gucci晚裝替換，她說：「呢件係我嘅極限，泳衣都唔使着到咁啦。」阿梅又表示不知何謂真空，被問到有否戴胸圍時，她說：「我有黐膠紙囉，算唔算真空呀？專揀最凍嗰幾日先拍呢啲嘢，真係女人之苦！」
安仔前晚一直以凍為由，不肯除去大衣露胸肌拍照，看來是因為早前在泰國被拍下性感泳照而有陰影，對於被指激凸，安仔笑說：「我諗到個花名畀自己，叫超激安！今次我為呢個MV訂做咗四套衫，總共七萬蚊，但我只會着兩套，加加埋埋製作費總共三十萬㗎。」問他是否在頒獎禮前才落重本，安仔說：「臨尾一擊，唱得出色，抵睇到極。」
問阿梅有沒有教安仔處理感情事，她說：「梗係冇，我係失敗者，叫佢唔好好似我咁失敗囉，我又冇拖拍，人哋好似我咁嘅年紀已經兒女成群，我男友都冇，真係女人之苦。我嘅要求已經隨適婚年齡而降低。」阿梅謂女人之苦要加上女人之痛，才能貼切形容婦女的難處，她說：「每個月嗰啲嘢痛啦、生仔痛啦、失戀啦、買唔到Gucci同Prada，你話幾多嘢痛。」
採訪：駱華齡
攝影：陳志嵐