去完夜市食餐飽，大家可以步行約五分鐘的路程，去松喬酒店入面的夜總會輕鬆吓。這間夜總會最近才開張，舞台前設有一排排弧形的沙發，二樓更設有企位，顧客可居高臨下觀賞表演，設計夠晒有心思。這裏的駐場樂隊主音阿Ken，被譽為深圳黃家駒暨深圳第一結他手，佢專們演繹黃家駒的歌曲，我就覺得佢嘅演出相當有水準。除咗聽歌，這裏的大型歌舞表演都相當受歡迎，不妨去捧場。
長髮結他手阿剛（右）是湖南人，於廣東省有多年演出經驗；貝斯手（左）阿軍係廣西人，現年才十七歲，已經彈結他七年；加埋主音阿Ken（中），演繹Beyond的歌曲最傳神。
夜總會以豪裝作招徠，大大的沙發及二樓的觀賞台，令人覺得舒適。
徐先生：「我每個星期都會約埋班Friends嚟玩，主要捧阿Ken場，佢唱得真係好似黃家駒。喺松崗嚟講，呢度嘅環境好靚，而且坐得好舒適。」
卡仙奴夜總會
地址：深圳市寶安區松崗鎮松明大道一號
電話：（86）75527710000