樂基兒和陳小韻等前晚為「施華蔻專業2002亞洲髮型師大賽」任模特兒，免費義助名髮型師Boffy。樂基兒透露早前在日本逗留兩個月，發展模特兒事業，因為在彼邦朋友不多，閒時繪畫解悶，無意中演變成興趣。
樂基兒、陳小韻、男版Twins兩位成員關智斌及張致恆、李燦森女友Carrie和鄧英敏女兒等，前晚分文不收，為名髮型師Boffy於深灣遊艇會俱樂部，任「施華蔻專業2002亞洲髮型師大賽」示範模特兒。其中樂基兒及陳小韻更無懼寒冷天氣，以性感服裝示人，專業精神可嘉。
Boffy即席示範多款髮型，問他未來髮型潮流趨勢，他說：「嚟緊會流行紅色同金色，但係最佳嘅配襯顏色就係紅配黑頭髮、金配啡頭髮，咁樣會順眼啲同埋自然啲。」
樂基兒表示前晚喉嚨有點痛，行show時經常想咳，令她的演出水準受到少許影響。她又表示早前往日本逗留兩個月，發展其模特兒事業，她說：「喺日本做嘢好開心，日本人工作好認真，如果接到job，好多時都要清晨五點開工，都幾辛苦㗎。」
樂基兒在日本朋友不多，偶然間閒逛百貨公司，買了一套油彩畫筆回家畫畫，不知不覺間竟畫了十多幅，她說：「無端端培養咗呢個興趣，我諗住遲啲都會繼續㗎。」
此外，陳小韻前晚真空上陣，她表示自己的接受能力一向十分高，喜歡嘗試不同風格及顏色的髮型，她說：「Boffy贊助咗我剪髮好多年，我好信佢，總之我鍾意成日轉髮型。」