噚日九位參選工展小姐嘅佳麗同新聞界會面，由在場嘉賓記者投票選出「最合眼緣工展小姐」。其中一位參選佳麗自我介紹時，話自己嘅賣點，就係似阿松位跳水王后夫人伏明霞，重話遲啲會去學跳水㖭！呢位芳齡十九歲嘅七號佳麗沈瑋欣，喺三利隆麵食製造廠做推廣主任，佢話身邊朋友成日問佢：「你位梁生喺邊呀？」不過佢就話自己唔會效法小伏，搵個大佢咁多嘅老公。
不過「翻版伏明霞」似小伏都冇乜着數，最後都輸畀喺百草堂做業務發展經理，三十一歲嘅一號佳麗林惠轉。
今年嘅工展會由十二月十四號至一月六號喺添馬艦舉行，所有入場人士都可以投票選出自己心儀嘅工展小姐。
（圖）「翻版伏明霞」七號工展佳麗沈瑋欣（中），話同小伏最似係一對單眼皮。
傳真︰2623-9278
電郵︰