本地粵劇界主要表演場地嘅北角新光戲院，近排傳出會喺明年八月被大業主僑光置業收番，改為商場。
噚日八和會館主席陳劍聲約咗中聯辦同霍震霆傾計，希望透過佢哋嘅關係同影響力，保留新光。但係曾經係僑光置業老闆之一嘅中聯辦都好似有心無力，因為𠵱家僑光已經係商業機構，佢哋都唔能夠干涉佢哋嘅業務，但中聯辦同霍少都應承咗會同僑光傾吓保留新光。
聲姐後嚟同八方講，佢咁緊張，皆因新光戲院可謂本地粵劇最後一個表演場地，如果連新光都無埋，相信業界有一半人會失業，嚴重打擊粵劇發展，遲啲佢重會約民政事務局局長何志平傾偈，一於兩面夾攻。
傳真︰2623-9278
電郵︰