下個星期四就係程介南出獄嘅日子，猶記得阿程入獄時高舉戴上手銬嘅雙手，一臉不忿嘅表情，重話過「我一定要復仇！」
噚日民建聯嘅葉國謙同記者傾開偈，話阿程出獄當日，佢同曾鈺成、蔡素玉及一班朋友，會一齊去接阿程。葉國謙上次去探程介南係十月尾，當時已經覺得阿程成個人現實咗好多，關心出去之後搵工、生活等，對從政興趣不大。咁民建聯會唔會請番阿程幫黨做研究工作？阿謙就話睇唔到有呢個可能性。阿謙講到阿程成個人睇化晒咁款，係咪話佢已經放棄咗報復嘅念頭？阿謙就叫記者自己去問阿程。
傳真︰2623-9278
電郵︰