電影公司有意開拍《無間道》前傳，劉德華表示若用原班人馬，戲份將集中在陳冠希和余文樂身上，華仔會做黃秋生的忠勇警察角色，梁朝偉則做身材較矮小的曾志偉之黑社會頭目角色。
電影《無間道》大前晚在銅鑼灣UA時代戲院首映，前晚又在銅鑼灣皇室戲院搞特別場，出席的演員包括劉德華、林家棟和吳庭燁，而華仔的父母和兩位胞姊都有前來捧場。
劉德華在片中奸到出汁，電影公司方面曾表示有意開拍《無》片續集，其後又有消息指會開拍前傳。
華仔說：「呢件事喺考慮之中，如果係用番原班人馬，會講番我同偉仔以前啲嘢，戲份應該集中喺余文樂同埋陳冠希身上。套戲講到佢兩個長大嗰時，咪搵我做黃秋生嘅角色，而偉仔就做曾志偉。續集就冇得拍啦，我都做番好人咯。」
記者問曾志偉和黃秋生如何安排，華仔笑說：「咁就唔理得佢哋嘅啦！」
曾志偉預計《無間道》、《金雞》和《英雄》會收到八千萬票房，華仔說：「差唔多啦，不過我覺得志偉嘅預期高咗啲，根據《槍火》同埋《暗戰》嘅票房，我估計《無》收千八至到二千萬啦，如果超過二千萬就好理想嘅啦。」
白龍王大前晚專程出席《無》的首映酒會，問華仔可有和白龍王食飯，他說：「冇食飯，但佢有同我傾咗兩句，佢恭喜我官司搞掂咗，叫我做人開心啲同埋小心啲，但我唔會結束生意，白龍王嘅意思，係叫我唔好同人合作啫。」
採訪：楊潔雯
攝影：陳慧安