「我嘅志願係做廚師。」梁偉富（Eddy）自小的夢想就是當一位廚師，沒想到18歲即夢想成真，更代表過香港出賽攞過美食獎，最近更開埋一間屬於自己的食肆，自創出不同菜式及秘製香料，Eddy說他有今日的成就，全賴他的三位師傅！
記者：陳冰麗
攝影：黃子偉
自職業訓練局畢業後，有三位師傅可謂影響我一生，分別是半島酒店的PeterHatt、赤柱餐廳的StefanHerzog及海逸酒店容師傅。記得初被調往半島酒店作培訓時，自己心裏有說不出的興奮，跟着師傅PeterHatt學煮法國菜，長時間工作使自己心力交瘁，才發覺原來比想像辛苦十萬倍，但亦是Peter第一個鼓勵我不要放棄做廚師的夢想，教曉我懂得堅持。
在半島三年工作後，在朋友的介紹下，輾轉來到赤柱一間餐廳工作，跟着StefanHerzog學嘢，StefanHerzog是代表香港多次到世界各國比賽美食隊員之一，我們曾經一同南征北討，先後到過瑞士、美國、新加坡等地，其間大家合作攞過金牌。講起當年威水史，自己睇番啲獎牌，都覺得幾威。
二十五歲那一年，我膽粗粗走了去加拿大做廚，去到當地，除了人生路不熟外，還發覺原來自己非常渺少，在港學習的根本不足以應付，被同事的奚落，結交不到新朋友，又不敢同家人訴苦，在幾經辛苦的一年地獄式生活後，最後決定返嚟香港。
適值海逸酒店搵廚師，又得到容師傅賞識，入到酒店跟他共事，不得不多謝他教懂我人際關係的道理，如何與上司和下屬溝通，為我的將來奠定基礎。
期間突然收到消息，上海GrandHyatt請我過檔，當時的我有點迷惘，究竟留港還是北上就業呢？輾轉難眠，思前想後之際，最終決定留港發展，結果去年認識現在的拍檔Alvin，經過大家商量細節之後，決定合作開第一間日式西餐廳Oyshi，而就將我畢生所學用在這間餐廳上。
成功！
較少見的一款龍蝦仔，身長約七吋，色澤黑𤷪𤷪，肉質卻很鮮甜，腍而帶爽，做Sashimi最能食到其鮮味，頭尾則可以滾湯，鮮味十足。
鹹味的Cappuccio還是小記首次嘗試，感覺好清新。這是Eddy五年前在酒店炮製過的得意之作。以鮮蠔三、四種及多種雜菜一同攪碎後，再隔渣煮滾，難怪湯味如此鮮甜。大家還可以另行自選心愛海鮮，炮製出屬於自己的濃湯！
來自法國的紅蝦，Size雖然細細隻，但勝在多膏，肉質又很鮮甜，嗜辣的話，可配以Eddy秘製的辣油或咖喱醬伴食，更覺惹味。
瞓覺蟹Size巨大，每隻重約1kg，特點是多肉多膏，肉質非常鮮甜。
Oyshi
電話：31623922
地址：銅鑼灣新會道4號地下
營業時間：4:00pm-3:00am
座位：約40個
付款方法：現金或信用卡