有幸成為首輪玩內置鏡頭手機的用家諸如我，絕對體會到即時影相兼即Send的好玩之處，奈何，亦感受到機身的大與重，手仔細細的我確實有點吃力、有點累。然而，影相手機一部接一部登場，今日又加添兩個新選擇，並且內外兼備。內有Sharp的對摺彩芒GX12，外置則有Nokia首個Plug-in鏡頭HS-1C，想點玩？任你揀。
記者：招佩珊
攝影：伍慶泉、招佩珊
ImageGirl：Cody
諾記首個外置式影相鏡頭HS-1C，好處在於要影相時才插上鏡頭，唔似得內置鏡頭手機來得那麼笨重，尤其是Nokia手機的用家們，毋須換手機亦可以玩影相，但現時只有6100、6610或7210呢幾款使用Pop-Port連接介面的型號才可用到。另外，HS-1C本身是個耳筒相機，影相之餘亦可作免提耳筒，一物二用，同一般的免提耳筒的用法無異，可用耳筒上的按鍵接聽或結束通話，但特別在傾電話的同時還可影相。
影相方法好簡單，先將耳筒相機與手機連接，打開鏡頭蓋，當指示燈持續亮起時，就可以按拍攝鍵影相。影靚相有竅門，喺指示燈未閃之前唔好郁個鏡頭，閃燈即相片已傳送到手機，需時約5-30秒，視乎所選擇的相片解像度。相機有高低兩種解像可選擇，高的約30KB一張相，低的約12KB，若然要以MMS傳送畀朋友，最好揀低解像度，因為部份手機每個MMS的容量約為30KB，揀低解像度重有位加文字同聲音。
NokiaHS-1CProfile
尺寸：72.7×28.4×18.4mm
重量：60克
連接介面：Pop-Port
解像度：640×480Pixels
適合手機型號：Nokia6100、6610、7210及5100（未上市）
售賣點：Nokia至專店
客戶服務熱線：21366338
GX是市面上首部支援xHTML技術的手機，利用以此語言來編寫的WAP2.0瀏覽器，並非如現時常用的WAP1.2.1上網只得純文字加靜態圖案，不但字及圖均有彩色，動畫及由屏幕右邊走到左邊的動感Banner亦可看到，有如以電腦上網看到Flash的效果。另外，數碼通更為獨家發售的GX12設計了可配合新服務SmartoneIN使用的WAP網頁介面及新內容，例如瀏覽網頁會看到更多郁動的圖案及Banner，亦可下載日本4大電子遊戲品牌G-mode、Namco、SEGA及Taito所提供的Java遊戲。
GX12配備像素達11萬的攝錄鏡頭，有5段曝光補償，機面有自拍鏡兼可預設時間掣作自動拍攝，啟動自拍模式後約10秒便會自動啟動快門影相，應該夠時間畀你走位，另手機亦有兩級變焦功能，影相時有得ZoomInZoomOut，唔使行前行後就位影相。
SharpGX12Profile
制式：GSM900/1800雙頻
尺寸：94×48×26mm
重量：107克
屏幕顯示：120×160Pixels；65,000色
通話時間：3.5小時
備用時間：250小時
功能：WAP、GPRS、MMS、Java、16和弦鈴聲、遊戲
售賣點：數碼通（獨家發售）
客戶服務熱線：28802688
備註：現接受預訂，約於本月中有貨。