九龍皇帝曾灶財聖旨真迹遍布港九，由天橋底到郵差信袋箱都係佢傳達聖旨嘅地方，曾灶財嘅手筆甚至揚名海外，中外傳頌，明年中重會參加歷史悠久嘅威尼斯雙年展。雖然公眾地方塗鴉係唔合法，但係好多時警方睇到都唔會告佢，最多勸佢停手。
但係八方之友劉健威最近就收到曾灶財嘅電話，話佢上個月喺中環怡和大廈樓下即席揮毫嘅時候，居然俾差人發告票告佢。警察公共關係科話無法證實呢單嘢堅定流。八方估計係堅嘅都唔奇，事關𠵱家特區政府發晒矛咁推銷《基本法》二十三條，曾灶財以九龍皇帝自居，視董建華傀儡政權如無物，咁唔係顛覆係乜？今日就告佢塗鴉，第二日告佢分裂國家㖭呀！
（圖）曾灶財到處塗鴉，警方通常只會勸佢停手就算。 資料圖片
傳真︰2623-9278
電郵︰