林嘉欣將為《東華》表演「飛斧精英種善欣」，昨日她在電視城綵排時是用假人，但到正式時可能會用真人，嘉欣說：「我練咗個幾星期，心情都幾緊張，本來話只係飛個紅心嘅，到記者會之後先知會用真人，所以壓力都幾大，因為我驚會有意外發生，而且我驚啲人嗌影響我嘅表現，所以到時會帶埋耳塞。」
此外，九人組合Cookies昨日在電視城為《東華》綵排，成員Kary因為要考試所以缺席，而其他八位卻遲到了半個小時才到場。而在排舞時，Cookies頻頻出錯，排舞老師亦忍不住說：「Cookies，你哋畀番我嘞喎。」Cookies則解釋說：「我哋上次綵排同今次隔咗一個星期，所以唔係太記得。」