單親媽媽阿芬向記者訴苦：「呢排天氣忽冷忽熱，我都覺得難適應，囡囡一向身體抵抗力差，佢嘅傷風感冒更加醫極都唔斷尾。今個月我淨係帶佢睇醫生都使咗唔少錢，真係冇辦法！」年約三十歲的阿芬，早年與任職旅遊巴司機的阿明共諧連理，婚後在家悉心照顧女兒。豈料丈夫近年有婚外情，早前更拋妻棄女，令阿芬母女一度彷徨無依，經濟陷困。
婚姻破裂導致阿芬患上情緒抑鬱，需接受心理輔導及藥物治療，以紓緩壓力及不安情緒；其就讀小一的六歲女兒因父母分離，讀書成績欠佳，有賴社區中心的義務功課輔導老師助她解決學習困難。
蘋果日報慈善基金了解阿芬母女苦況後，即時撥款八千元助阿芬清還拖欠的租金、電費及電話費，以及應付短暫生活急需。記者近日另將合共三千元的善長捐款轉交阿芬，她對此感激不已。「我原本好擔心就嚟冇錢開飯，社署早兩日通知我，最快今個月尾至會批出我同囡囡嘅綜援申請；𠵱家有捐款畀我，可以用嚟應付呢幾個禮拜嘅生活費。」 捐款編號：C0718
暖流熱線
電話:29908688
傳真:23702192
電郵:
網址：