有時真係唔到你唔向現實低頭，好似十九歲嘅SONIM雖然經常話唔願意影性感相，不過早幾日佢接受雜誌《GirlPop》訪問嗰陣，都話未轉形象之前，要電台唱片舖嘅人播佢嘅歌可謂難過登天，如今走性感路線之後，情況啱啱相反，連啲完全冇聯絡嘅friend都打電話問佢攞碟！雖則係咁，SONIM都唔使變本加厲，走去歌舞伎町同時鐘酒店影相，扮喺嗰度做至得㗎！