呢輪見到人話題都離唔開二十三條，一位行家話，以往遊行活動，就算當年六四，佢老婆總係漠不關心，但係呢個星期日嘅遊行，佢老婆竟然主動問佢時間地點，話要一齊參加。佢老哥覺得有點奇怪，八方就話一啲都唔奇，皆因佢太太擔心老公會因二十三條失業甚至被拉。
除咗一般市民，連班學生仔都對二十三條有興趣；最貴族嘅漢基國際學校，班學生噚日係遮打花園參加國際人權日活動，校長Dr.BarryDrake同八方講，佢嚟咗香港九年，做咗呢間學校校長有成五年，佢都認為呢類活動對學生有益。至於白鴿黨前黨魁李柱銘個仔Joey，本來都想由英返港參加遊行，但係搵唔到機票，所以冇法出席。
日期：12月15日（星期日）
時間：下午3時
路線：銅鑼灣維多利亞公園集合，遊行往中區政府總部
主辦機構：民間人權陣線
傳真︰2623-9278
電郵︰