中銀香港完成上市大工程後，總裁劉金寶可暫時唞唞氣，過番正常生活。昨日所見劉總裁身形比上市前肥番少許，八方話佢好似發咗福，劉總裁果然心繫香江，笑說因為香港經濟好了，所以自己的身形亦胖了。咁豈不是香港經濟愈好，身材愈胖？心情靚靚嘅劉金寶話，希望香港每個人都胖一點。
話說中銀噚日喺九鐵七個東鐵沿線站，安排十二台自動櫃員機提供人民幣提款服務，讓匆匆北上嘅港客，喺離境前能快速提款，實德政也！劉總向記者大力推介此項新服務，叫大家親自試吓，當佢知道不少記者均有中銀卡時，就非常滿足地話：生意果然不錯。
﹙圖﹚劉金寶發福不少。
傳真︰2623-9278
電郵︰