市道唔好，除咗打工仔要自我增值之外，原來連汽車都一樣；如果大家重記得的話，亞Mark曾經同大家提過，話福士部Polo只有75匹馬力輸出，唔少車迷都略嫌數值細咗啲，所以車廠當時經已有計劃，為其推出一部1.4公升嘅100匹型號。
想唔到近排經已有少量新版Polo秘密抵港，由於外形跟原來Polo同出一轍嘅關係，一般車迷同傳媒都未必知道兩者有差別，惟新版馬力調高咗25匹，車價亦因而調升咗一萬蚊，賣13萬4千起（手波版），但以Polo本身咁出眾嘅車架布局，兼且具備有唔少大車設備，若然你想緬懷吓舊有PoloGTi，又或者係喜好帶有小跑車風格嘅新一代CityCar的話，相信呢款新版Polo，定必滿足到你嘅要求㗎！