呢項調查亦涉及汽車品牌嘅排名，結果顯示豐田同樣排首位、萬事得第二、寶馬為第三，其次就係本田、保時捷、大發、富士、平治、先進、三菱、日產、奧迪、紳寶、富豪、Skoda同埋福特。
文：陳自齊
手機商不斷推出彩芒機，因而得出一個單方面的結論──彩芒必成新趨勢。但身為用家的你同我，係咪手機商話彩就一定要Buy？今次呢個小型的民意調查就得出一個答案，原來用家的確捧彩芒機，講到DreamPhone（即下一部最想用的手機），16個被訪者中有9個都會揀彩芒機種，有部份亦已是呢類機的用家，並非你出機我就一定要用，但實情是彩芒的確好睇好多。家陣市面有咁多彩芒機，無獨有偶，個個口中的心水選擇離不開呢3部：Nokia7210、6100及MotorolaT720，唔用彩芒的話，大家就偏好細機，細到好似麥記脆香雞翼咁嘅PanasonicGD55就最啱。