萬梓良侍母至孝，自從他與內地空姐結婚後，便與母親搬到廣州定居。但幾個月前萬媽媽因糖尿和腎病需回港留醫，更於上周四不幸病逝，享年七十八歲。
萬梓良近幾年來主力在內地經營服裝生意，今年二月又在廣州與家在洛陽的空姐郭明黎結婚。為方便經商，萬子去年已將在港的母親接到廣州一同居住。萬子一向很孝順母親，所以今年成家立室後，他很希望可以早日做父親，好讓母親可以弄孫為樂。
七月中萬子太太夢熊有兆，當他以為快將達成母親心願之際，怎料其母又病重入院。萬子後來安排母親回港治病，可惜她的病情每況愈下，在上周四凌晨三時逝世，享年七十八歲。
萬子昨日接受記者電話訪問時說：「阿媽近半年來身體差咗好多，一直俾糖尿病和腎病困擾。幾個月前因為病情惡化，我陪阿媽由廣州返嚟香港，但病情一日嚴重過一日，佢走時我一直捉住佢對手，我相信阿媽會去得好安心，因為佢知道我就快做爸爸，可以傳宗接代。我老婆已照咗個胎，知道個BB係男仔，阿媽臨死前已經知道，唯一覺得遺憾係阿媽睇唔到個孫出世。」
萬子續說：「不過我為阿媽感到好驕傲，因為阿爸一早死咗，我同三個家姊由阿媽一個人辛苦養大，喺佢患咗糖尿病，情況愈嚟愈嚴重嘅時候，醫生建議阿媽鋸咗對腳，但佢堅持唔鋸。」萬梓良定於本周六（十四日）為亡母在寶福山紀念館設靈翌日大殮，遺體將奉移深圳大鵬灣安葬。
林家棟是萬子的好朋友，不過他對萬媽媽病逝毫不知情，他接受電話訪問說：「剛才我想打畀佢，可惜未聯絡到。我知佢媽咪一向有糖尿病，身體唔係咁好，等陣我會再試打電話慰問佢。」