朋友從大陸移居香港已多年，經常到他家中作客，發現他的電視已鎖定鳳凰衞視為開機選擇，上親佢屋企都係睇緊鳳凰衞視，「香港多唔多人睇鳳凰衞視㗎？」我問。
「香港有幾多大陸人咪有幾多人睇囉，」朋友答，「嗱，呢個導播𠵱家好紅……咦？乜啲領導人嘅位咁企嘅？睇嚟好似執過位喎……陣間九點幾有個特輯好好睇，一定要睇……」
趁朋友去廁所，轉台到翡翠台。「翡翠台算係你哋香港人嘅電視台啊呵？」朋友問。「吓？我諗……應該……算係啦」，答得有點猶豫，因為翡翠台當時正播着從大陸購入的劇集，「以前我哋喺大陸嗰陣淨係睇港劇，𠵱家就多選擇囉，又台劇、又日劇、又韓劇，就算我哋自己攝製嗰啲都好好睇」，朋友睇嚟唔係想落我哋面，只不過係講出實情。
香港電影業的盛唐已過，台前幕後的國際級工作人員都已邁向國際，很難再請得到他們為港效力，新的一輩在缺乏資源催谷下，前景亦不明朗。唯獨是電視業仍然興旺，翡翠台一直都是港產明星的搖籃地，劇集的影響力亦無遠弗屆。希望不要因最近興起的外購劇熱潮而減低了本地製作，這片土地一定要緊守，否則一旦融入大江大海之中，轉眼就會消失得無影無蹤。