民主黨前黨員大嚿陳偉業退黨，搞到沸沸揚揚，外界一直認為係民主黨嘅損失，不過八方知道部份白鴿黨人有唔同嘅睇法，佢哋覺得大嚿今次出走反而益咗楊森。皆因唔少黨人覺得大嚿喺黨內成日阻頭阻勢，開親黨團會議都搞搞震冇幫襯，又唔肯將部份人工上繳中央。最新一期《壹週刊》甚至爆料，話大嚿連每年夾一千蚊，同其他黨友喺記協周年晚會買枱都唔肯，要馬丁幫佢畀。
所以有白鴿黨人話，大嚿一走，反而有利楊森管治黨務。不過，一位白鴿黨嘅核心成員對八方形容，佢哋經過過去一段長時間嘅鬥爭之後，已經吸取咗唔少教訓，認為應該以大局為重，眼光要闊大一啲，以後一條心為香港人做嘢，唔好令啲擁躉失望。
傳真︰2623-9278
電郵︰