解散咗好耐嘅女子組合SPEED，其中三位留喺樂壇發展嘅成員，成績都相當一般，所以我羅拉當初都欣賞新垣仁繪，事關佢有勇氣放棄名利，去美國學畫畫！但兩年都未夠，新垣仁繪又決定踩番隻腳入樂壇，重要着到成身Burberry兼扮黑妹，個look相當娘！新垣仁繪話會喺今個月十八號推出新碟，又講明會扮麥當娜（Madonna），不過我真係唔多睇好佢。