小初中線持有嘅愛股信德集團（242），在上周大市回落時，表現仍然硬淨。經紀陳話，一直大力推介信德嘅美資大行所記，將於本周三與信德高層在中環美國會有個午餐會，令投資者加深了解公司發展。
信德上個月公布，與澳門娛樂合組公司。根據協議，信德將71%信德中旅注入，而澳娛則會將10.8%的公司股權注入合營公司，重組後信德在澳娛股權將由5%增加至大約12%，消息一度令信德股價大升至最高1.81元。
雖然近排個大市回落，但信德股價上周五，仍然企硬喺1.70元，反映近期升勢唔係虛火。
雖然小初曾經有多少擔心，就係交易所對於上市公司投資賭業可能有限制，但經紀陳話，信德講明只視澳娛為一項投資，唔係聯營公司，就算澳娛盤數第二時可能好勁，但點都唔會成為公司嘅主業，所以斷估交易所唔會因此唔高興。
信德將於本月19日為呢單交易開股東會，若果順順利利，信德股價仍可睇高一線。
慕容小初