喺剛舉行過嘅第35屆EssenMotorShow上，歐寶車廠除展出咗，我哋早前曾作介紹嘅CorsaOPC強悍小跑車外，同場亦展出有全新AstraOPC三門版及旅行車版，同樣備受車迷注目。
新車不但裝有全車包圍，另外重備有四輪大口徑跑車合金胎軨，從而令人望落甚具跑味；而車廂布局亦富有濃厚跑車意識，其中前排一雙桶形跑車座椅，能予人有十足承托力外，當然唔少得重有跑車軚環、腳踏，同埋設備齊全嘅中控台啦！不過，相信新車最惹人注目嘅，會係一台擁有200匹馬力及25.5kgm扭力輸出嘅2.0公升EcotecTurbo引擎，難怪三門版AstraOPC嘅0至100公里加速度僅為7.5秒（旅行車版為7.8秒），極速更可高達240km/h（旅行車版為231km/h）咁快啦！再加上DSA（DynamicSafety）車架輔助，亦能有不錯嘅操控表現呢！