一向形象反叛的謝霆鋒，經歷頂包案一役後，不但發福不少，似乎連記憶力也有減退的迹象，竟忘記自己月前多次公開表示要暫別樂壇，出爾反爾，竟公開聲言不捨得暫別樂壇。
謝霆鋒自官司完結後，前晚首度作公開表演，現身《英皇三週年慈善演唱會》。與死敵王傑一起出場的霆鋒，與眾歌手一起站在台上時仍有講有笑，心情甚佳，但後來作個人演出時，霆鋒的心情即作一百八十度轉變，一邊說話一邊哽咽。
好心寒好驚好怯！
霆鋒甫出台即向現場觀眾鞠躬說：「Thankyou！」然後他感觸地說：「我行出嚟之前，喺後台聽到好多人嗌佢偶像個名，有陳冠希、Joey、Twins，我嗰刻個心有啲心寒，好驚好怯，到我行出嚟時會唔會好似五年前咁俾人鬧，俾人噓呢？今日我係暫別樂壇，但因為英皇三周年，佢生日即係我生日，又為慈善，無論出嚟有幾多人鬧，幾多人歡呼，都唔會阻止我入嚟做呢件事，五年前我俾人噓又點？我亦做過三十萬人嘅巡迴演唱會啦，高處未算高，低處未算低。」
霆鋒早前因數度超速駕駛發生意外至官非纏身，其後他便宣布暫別娛樂圈，休息期間，除為頂包案出庭外從未露面。霆鋒前晚說：「我喺呢四個月，除咗嗰個地方，我就困喺自己屋企，好多前輩嚟探我，有個前輩同我講點解重要求公平？做乜同佢哋拗，寫錯咪寫錯囉，呢個世界冇真冇假，冇黑冇白，唔分得咁清。」
點捨得啲歡呼聲？
此時霆鋒哽咽一下，然後才繼續說：「我同佢講唔知點解謝霆鋒就係咁㗎，呢度大家嗌邊個都好，睇到呢班人（歌迷），我點可以捨得暫別呢個樂壇同埋呢班人呀？重有啲歡呼聲，如果我得嘅，我會返嚟。」
霆鋒說罷即獻唱《非走不可》，現場歌迷不斷興奮狂叫，拍掌支持，霆鋒邊唱邊行，當行至記者席時，突然停下腳步，哽咽得幾乎唱不下去。猶記得霆鋒在七、八月時曾多次表示要暫別樂壇，豈料現在他又自言不捨得暫別，霆鋒的出爾反爾，莫非是預示他即將復出？
深深了解你心情！
其後霆鋒又與王傑互唱對方的歌曲，王傑在台上指霆鋒求了他一整晚，要王傑載他兜風，但他卻不肯答應，霆鋒亦當場再求王傑答應。
王傑拒絕霆鋒時，更暗寸霆鋒要履行二百四十小時社會服務令，他說：「唔好啦！你去到二百四，我分分鐘要二百六㗎。」後來王傑又說：「我都唱咗《沒有烟抽的日子》畀你聽，我深深了解你嘅心情呀！」
到霆鋒彈結他時，發現結他上夾有一支煙，王傑表示是他放上去的，可讓霆鋒抽足十四日，暗寸霆鋒在拘留所候判的十四日期間沒有煙抽，而霆鋒亦即場作狀抽了一下。
此外，據知霆鋒於農曆新年時，有機會出席一個中港台的表演活動。對此英皇高層吳雨說：「等開咗會先啦，等佢放完假先啦。」